@ 
為配合「日夜都繽紛」以及同市民歡度聖誕 ，中國香港文化體育旅遊協會聯同黃大仙民政處及黃大仙區議會合辦黃大仙冬日「燈」FUN嘉年華 ，一連五日喺啟德河畔及毗鄰摩士公園設置亮麗節日燈飾及舉辦市集活動 ！
尋日（22/12），民政總署署長張趙凱渝、中聯辦九龍工作部處長黃想平、黃大仙民政專員胡鉅華、中國香港文化體育旅遊協會主席鄧雯蕙、香港工會聯合會會務顧問陳婉嫻、香港旅遊業議會主席譚光舜、黃大仙區指揮官楊鎮波總警司，一眾地區團體領袖以及立法會議員出席亮燈儀式 ，為精彩活動揭開序幕 。
今次嘉年華活動豐富 ，場內設有約25個市集攤位 ，售賣特色小吃 、甜點及賀年應節食品 ，亦有深受「後生仔女」歡迎嘅文創手工藝品 。主辦單位更邀請咗區內學校、本地音樂人及樂團為觀眾帶來精彩表演 ，包括獻唱聖詩、舞蹈及中西樂演奏等 。活動另一個亮點 ，就係沿著啟德河設置嘅節日燈飾及以雪人、馬車及聖誕禮物為佈景嘅特色打卡裝置 ，仿如置身聖誕小鎮 ！大家記得約埋摯友親朋嚟玩啦 ！
18區日夜都繽紛@黃大仙冬日「燈」FUN嘉年華
地點：摩士公園（一號公園）及啟德河畔
日期／時間：
12月24日 （12：00 - 23：00）
12月25日 （12：00 - 20：00）
