@ 
佳節臨近，荃灣民政處支持區內團體籌辦咗唔少敬老扶幼活動，增添區內溫馨氣氛 。
馬灣鄉事委員會 敬老聯歡晚會
13/12，荃灣民政專員區家盛、中聯辦新界工作部副處長吳家浩、立法會議員陳穎欣同馬灣鄉事委員會主席陳崇業等嘉賓出席由馬灣鄉事委員會舉辦嘅「敬老聯歡晚會」。島上眾多老友記歡聚一堂 ，一齊食盆菜 、睇表演 ，渡過咗一個開心愉快嘅晚上 。馬灣鄉事委員會亦向島上最年長嘅幾位老友記頒贈紀念品，表達對長者最誠摯嘅敬意同祝福 。
區專員喺致詞時感謝馬灣鄉事委員會多年嚟不遺餘力服務社區 ，擔當政府同居民之間重要嘅溝通橋樑 ，團結鄉眾妥善處理村務之餘 ，亦同政府各個部門成為緊密嘅合作夥伴 。區專員亦感謝馬灣各位老友記 喺過去悠長嘅歲月裡面，辛勞打拼 同努力奮鬥 ，齊心 合力推動馬灣嘅發展 。
荃灣商會聖誕探訪：「荃仁」一齊過聖誕
23/12，荃灣民政專員區家盛聯同仁濟醫院董事局副主席陳承志及荃灣商會理事長朱德榮等多位代表，參與咗「荃灣商會聖誕探訪：『荃仁』一齊過聖誕」活動，趁聖誕前夕 到仁濟醫院學前支援服務隊及仁濟醫院鄭裕彤兒童成長發展中心(副址)，探訪有特殊學習需要嘅幼兒 ，了解到校訓練及支援服務，同埋相關設施如感統室、言語治療室、職業治療室同肌能室等。嘉賓仲同小朋友一齊玩遊戲，兼送上豐富嘅聖誕禮物 ，提早慶祝聖誕節。
