@ 
仲有唔夠一年第十五屆全國運動會及全國第十二屆殘疾人運動會暨第九屆特殊奧林匹克運動會就舉行喇！呢兩項體育盛事首次由粵港澳三地聯合承辦，一齊發揚中華體育精神 。
為貫徹「一年之約 主場出撃 」嘅宗旨 ，由沙田體育會主辦、沙田民政處協辦及贊助、康文署及香港武舞藝術聯會協辦、中國海外武術訓練學院贊助及香港體育學院支持嘅「沙田武術錦標賽2024 」剛於上周末(28-29/12)喺沙田源禾路體育館圓滿舉行 。活動吸引咗一眾武術愛好者匯聚切磋，埸面熱鬧 。
此外，為帶起運動氣氛 及宣揚武術精神 ，大會早前亦舉辦咗中、小學武術操視頻 及口號 創作比賽，宣傳全運會嘅同時，亦為參賽嘅香港健兒打氣，預祝取得佳績 。
上星期六（28/12）下午舉行嘅 典禮 邀請咗沙田民政專員余懷誠、沙田體育會會長韋國洪、沙田鄉事委員會主席莫錦貴等嘉賓親臨主禮及頒發獎項 ，一同見證得獎隊伍 努力成果，以實際行動支持參賽嘅運動健兒及同學 。
「一年之約 主場出撃 」，全情投入做好準備，延續熾熱嘅運動氣氛 ，一齊迎接明年嘅全運會及殘特奧會 。
@