@ 
東區民政處同東區青年發展及公民教育委員會合辦咗湖北省武漢宜昌歷史文化及科技之旅。東區民政助理專員傅耀男聯同委員會正副主席及一眾委員早前（22/12）帶領區內青年出發到武漢，深入認識當地歷史文化同創科發展！
團隊探尋屈原故里，參觀屈原祠，又坐遊船夜游武漢市沿江地標建築黃鶴樓及遠眺長江兩岸夜景，認識傳統文化。佢哋參訪咗港資企業 - 宜昌柏斯音樂集團及武漢星競威武公司，了解港企喺武漢嘅發展機遇及數字體育嘅未來發展情況。團員對湖北省博物館、武漢橋樑博物館同三峽大壩的國家偉大嘅技術創舉及三峽水利工程技術發展表示讚歎！
團員喺湖北省青創園（光谷）示範園、華工科技同華中科技大學與當地青年深入交流，從而了解當地創業基地及武漢教育環境。團員亦到訪香港駐武漢經貿辦事處，有幸與湖北省人民政府港澳事務辦公室主任章笑梅交流，認識武漢發展趨勢。章主任亦鼓勵青年人要多到祖國走走，了解國家歷史同發展。
大家都好期待再次參加內地交流團活動，進一步了解祖國發展。
