@ 
觀塘區青年網絡「樂觀派」 位成員喺26-30/12到韓國首爾進行為期5日4夜嘅「韓國文化體驗及創科探索之旅」 。觀塘民政助理專員張家朗與一眾樂觀派成員到訪中國駐韓國大使館、體驗韓國文化同了解當地嘅創科發展，亦同首爾女子高等學校學生交流，內容豐富 :
1、到訪中國駐韓國大使館
今次難得有機會到訪中國駐韓國大使館，與大使館教育公参深入交流 ，樂觀派成員分享自己嘅成長經歷，亦踴躍發問 ，過程中認識到大使館嘅日常工作與挑戰，幫助香港同學們更加了解中韓關係同交流！
與首爾女子高等學校 交流。
行程中，樂觀派成員亦與首爾高中生進行交流活動，一齊玩韓國傳統遊戲，參觀校園 以及喺學校共晉午餐 。大家都好投入 ，不但交流兩地的考試及升學資訊，亦進一步了解韓國青年嘅生活方式，促進兩地青年關係。
2、體驗韓國傳統文化
大家喺今次旅程都體驗咗好多不同嘅韓國傳統文化，例如學習Kpop舞蹈 、製作韓國紫菜飯卷、體驗傳統韓服 、了解韓國傳統社區特色以及參觀景福宮了解歷史。樂觀派成員亦被安排任務，喺明洞同弘大進行街訪，向韓國人介紹香港文化，說好香港故事 。
3、了解韓國創科發展
樂觀派成員參觀咗 機械人公園 、 三星創新博物館 同埋現代汽車 ，了解韓國知名創科企業各項科技嘅發展，學習海外國家嘅長處與優勢，大開眼界 。
樂觀派成員表示今次旅程令佢哋深入了解韓國傳統及現代流行文化，以及韓國各項科技發展，大大豐富咗佢哋嘅知識同見聞 ，返到香港都要繼續努力，好好裝備自己，將來為香港同國家出一分力！
@ 