@ 
近日，由北區民政處同北區區議會合辦，民政總署贊助，仲有上水廣場支持嘅「樂活草地北區音樂遊藝會2024」順利舉行。雖然天氣大風咗少少，但都無阻大家嘅興致，一齊嚟到上水鳳溪第一中學嘅大草地，與家人、朋友享受陽光同悠閒下午。
活動節目多元化，當中包括環保咖啡渣種植工作坊、乾花立體相框工作坊、紙摺舞獅頭工作坊、香薰永生花音樂盒工作坊及動物木雕工作坊。今年仲有歌星表演、無伴奏合唱、樂團、管弦樂表演、花式劍球表演、太鼓表演、街舞、手碟演奏同魔術！除咗工作坊同表演之外，仲有跳蚤市場畀大家可以輕鬆購物。
期待明年再同大家品味樂活心境，漫步嫩綠草地。
