@ 
2024年啱啱過去，而觀塘區區議員喺完善地區治理後上任一年。喺呢一年，地區治理成果碩碩 ，等我哋一齊回顧下 ：
「新一屆觀塘區議會」
民政專員喺過去一年除咗擔任區議會主席，亦與40位區議員一齊走進社區、了解區情 ，積極收集及跟進居民意見，並推動區內居民參與地區事務 。
「觀塘區日夜都繽紛」
為提振本地消費 ，民政處、區議會及觀塘工商業聯合會分別喺2024年新春及5月期間合辦「龍騰觀塘新春夜巿」 及「龍騰觀塘仲夏夜市」 。兩個夜市廣受歡迎，人流暢旺 ，累計入場人次近100萬人、商戶總生意額逾1300萬 。而去到冬天 ，民政處更推出「觀塘冬日繽紛」，除咗為裕民坊嘅地標燈飾裝置加入節日元素 ，更邀請音樂愛好者喺該處表演 ，帶動區內人流 。
「注重推廣國民教育」
民政處高度重視國民教育 ，除咗喺第七屆區議會下設立咗國民教育推廣委員會，亦喺過去一年舉辦多個與國民教育相關嘅重點活動，包括「觀塘心連心賀國慶升旗禮」 、「觀塘區國家安全嘉年華 2024」 、「觀塘區說好《憲法》及《基本法》同樂日」 及「慶祝香港特別行政區成立27周年觀塘區升旗暨匯演」 等。
「打卡地標」
《施政報告》提出邀請18區設置富有地區特色嘅打卡地標 。觀塘區共設置咗三個打卡地標 ，各具特色 ，展現觀塘區不同風貌，作出貢獻，當中包括觀塘市中心裕民坊大型燈飾裝置 、東九文化中心外嘅LED花海 及美化觀塘公眾碼頭 。
「青年興，則香港興」
本屆政府高度重視青年工作，並特別喺「學業 、就業 、創業 、置業 」等方面幫助青年。民政處籌辦嘅青年活動亦呼應呢個施政理念，致力為觀塘區嘅青年成長及成才創造機會 。過去一年，就為區內嘅青年網絡「樂觀派」籌辦「生涯發展及職業體驗計劃」 ，到不同機構如港鐵、建設銀行（亞洲）、城巴等進行影子體驗同職業實習，並舉辦不同青年參觀及交流活動 。
「關愛隊工作」
觀塘區40隊關愛隊喺過去一年除咗協助政府傳遞信息 並為地區提供多元化關愛服務 ，如定期舉辦活動同家訪 。例如觀塘關愛隊就喺2024年農曆新年舉辦「關愛大行動」 ，向有需要人士及長者 共派發4000個福袋 ，並進行咗大約2000次家訪 。而去年九月摩羯襲港時 ，關愛隊更積極落區協助處理突發同緊急事故 ，群策群力地為區內居民排難解憂 。
「民政幫到你」
透過觀塘區議會同七個分區委員會，民政處同區議會收集需要加強改善地區環境 及衞生 嘅項目及行動位置，讓相關部門可以重點跟進，從而更有效回應社區需要 。過去一年，觀塘公眾碼頭露宿者問題、瑞和街阻街問題、鯉魚門水浸問題 ，以及區內各個衛生黑點都大幅改善 ，為市民解決急難愁盼問題 。
展望2025年，觀塘民政處及區議會會繼續努力 ，讓居民可以生活喺更有活力 ，充滿關愛嘅社區當中 。
@ 