@ 
華貴邨華愛樓尋日中午起因電線短路而停電，400多名居民受影響。
一方有難、八方支援：南區關愛隊隨即到場協助居民，多位區議員喺開完區議會會議後都第一時間趕到。本身為律師嘅劉毅議員向法團提供意見，幫助通過緊急撥款，以啟動緊急維修。
晚上，南區民政專員鄭港涌都一齊探訪居民，協助派發物資。社署同事亦到大廈支援居民。
除咗喺大廈開放臨時休息室外，於傍晚再開放華貴社區會堂作為臨時庇護中心，並聯絡水務署安排臨時供水，港燈公司亦為居民提供緊急流動充電器。
關愛隊同區議員會喺停電期間繼續關心同協助居民！關愛隊全為義工性質，華富北同華富南關愛隊都特意到場支援華貴關愛隊。大家喺寒冷天氣下仍然不辭勞苦、通宵守候，服務居民，實在窩心。亦要多謝南區各界關愛及發展基金慷慨捐贈幾百份物資畀有需要居民。
@ 
@