@ 
1.齊「深」滅罪 • 禁毒大步走
前日(12/1)天氣大好，「深DUCK」 見到好多朋友都嚟咗深水埗一邊行，一邊搵嘢 。
佢哋嚟做咩? 就係參加喺麗閣社區會堂及附近空地舉行嘅「齊『深』滅罪 • 禁毒大步走@深水埗」。現場除咗有攤位遊戲 ，宣傳撲滅罪行知識 ，仲有「禁毒大步走」定向比賽 。
定向比賽中，過百名健兒鬥快鬥智穿梭深水埗特色地點 ，包括南山邨、美荷樓、JCCAC等。過千名市民即場參加少訊、耆樂同監警會嘅活動攤位，獲取最新防騙資訊同精美紀念品 。
大家做吓運動，兼宣傳禁毒訊息，最緊要健康。
順帶提提大家，麗閣邨嘅「深DUCK」已經換上充滿喜慶嘅新春裝置，大家經過可以過嚟探我啦 ！
活動由深水埗區撲滅罪行委員會主辦及深水埗警區協辦。主禮嘉賓包括深水埗民政專員黃昕然、深水埗區撲滅罪行委員會主席盧永文、深水埗區社區滅罪宣傳工作小組主席黃添福、深水埗區警民關係主任莫靄謙總督察及康文署深水埗區康樂事務經理何寶珠。
2. 深水埗西分區敬老健康普查
「深水埗西分區敬老健康普查」喺日前(10/1)於美孚社區會堂順利舉行。
香港社區醫療教育服務協會為元州邨同美孚嘅老友記 進行肌少症 ，脂肪率等檢測。「深DUCK」 見到好多長者都嚟參與 。
出席活動嘅深水埗民政專員黃昕然期望社會各界攜手合作，關心長者健康問題 ，掌握長者嘅健康數據 ，推動樂齡科技發展，提升長者生活質素。
活動由深水埗民政處及深水埗西分區委員會合辦。深水埗民政專員黃昕然、多名深水埗西分區委員會委員及深水埗區議員都有出席典禮儀式。
