@ 
西貢民政專員兼區議會主席馬瓊芬 日前（17/1）帶領西貢區議員參觀將軍澳第137區嘉華混凝土廠 。
廠方代表詳細向議員介紹多項環境友善 措施：嘉華混凝土廠位處海旁，製作混凝土嘅原料都經海路運送，再以密封運輸帶從船 輸送到廠；混凝土車進出工廠時均會進行多次冲洗，確保車輛到各地盤時唔會弄污途經道路；廠內設先進嘅污水過濾系統，以有效地收集同處理污水；更喺各個重點工序位置加裝灑水系統 ，務求減少粉塵等。
嘉華混凝土廠亦用咗全新科技配合運作需要，如採用最新歐盟六型標準嘅混凝土車車隊、喺廠內使用電動裝載機 、並設有小型實驗室 ，實時監察混凝土質素。廠方喺提高生產效率 同確保產品質量 外，亦盡量減低工廠對附近環境影響。
區議員喺參觀過程中踴躍發問 ，大大加深咗對混凝土廠嘅認識 ，更重要係了解咗新科技及各項環保措施 配合下，混凝土廠提升效率外，亦唔會對附近環境造成不良影響，同時實現可持續社區發展
