@ 
參觀馬灣公園第二期
日前 (15/1) ，荃灣民政專員兼荃灣區議會主席區家盛同一眾荃灣區議員率先參觀馬灣公園第二期，聽取項目負責單位介紹啟用情況。馬灣公園第二期除咗保育馬灣嘅歷史古跡，仲致力發展成一個文旅藝術基地 ！專員同一眾區議員參觀公園內各項設施，包括活化後嘅舊村村屋、藝術工作室、展覽廳等 ，亦有親身體驗營地 同園圃活動。公園環境優美宜人，大家都相當期待佢正式啟用後，能為荃灣區增添一個休閑旅遊熱點！
荃灣社區種植日
日前(10/1)，專員聯同一眾荃灣區議員參與一年一度由康文署主辦嘅荃灣社區種植日 ，同幼稚園學生及綠化義工齊齊協助建設綠色社區。活動現場洋溢歡樂氣氛，參加者一齊種植今年花卉展嘅主題花——秋英 ，而一眾幼稚園學生除咗透過互動問答環節學習園藝知識外，仲同現場嘉賓為畫有植物圖案嘅背景板填上繽紛色彩 。活動結束後，參加者都話會將愛護環境嘅信息傳遞畀身邊嘅親朋好友 ，攜手推動社區綠化活動 。期待呢次活動所種落嘅植物幼苗能夠喺荃灣綻放出美麗嘅花朵 ，為社區增添生氣同色彩 。
荃灣區歲晚清潔大行動
尋日(16/1)，專員同一眾荃灣區議員參加食環署統籌嘅社區歲晚清潔大行動，齊心合力清理馬灣東灣仔沙灘 ，仲協助清洗荃灣區內嘅街道 。一眾參加者亦參觀新設置喺大白田村嘅太陽能垃圾收集站，同埋了解防治鼠患嘅鼠籠同藥餌嘅使用情況 。希望透過呢次活動，協助提升居民對環境衞生嘅重視，鼓勵居民共同參與社區清潔行動，為荃灣創造更美好嘅居住環境 。
