迎蛇接福 – 歲晚清潔大行動@大埔

好快又到農曆新年，當然要送舊迎新啦！大埔區各界同心做好清潔，政府部門同關愛隊頻繁出動，務求令市民生活環境乾乾淨淨，喺蛇年有個好開始！

大埔民政處、大埔區議會聯同食環署22/1舉行「大埔區2025年歲晚清潔大行動」。大埔民政專員陳巧敏、大埔區環境衞生總監馬慶森、一眾大埔區議員同增選委員齊集，考察機動掃街車清掃街道，到後巷了解防治蟲鼠工作，並向街坊派發家居清潔包，鼓勵大家歲晚洗邋遢，注意家居同環境衞生。