@ 
有人話音樂有療癒能力，平時繃緊嘅都市人可以通過音樂放鬆下。北區民政處同香港青年協會賽馬會祥華青年空間喺25/1合辦咗「Chill級青年@北區」1月份嘅活動，用抒情嘅音樂配合香薰，為參加者營造療癒嘅一晚。
部分參加活動嘅青年早有準備，預先練好舒緩嘅音樂，用自己嘅歌聲同樂器與其他參加者分享。唔想表演或者本身係「i人」嘅青年，就可以搵個舒服嘅位坐低，合埋眼放大耳仔同鼻，用聽覺同嗅覺享受舒適嘅夜晚。主辦單位又特設「正向歌詞樹」，參加者可以將鍾意嘅歌詞寫喺卡紙，掛喺「樹」上同其他人分享；其他參加者讀到有feel嘅，又可以攞落嚟畀自己用，等大家可以一齊交流一齊撐。
