年年有「魚」歲晚送暖迎新春@大埔關愛隊

近日，環境及生態局局長謝展寰、漁護署署長黎堅明、大埔民政專員陳巧敏以及大埔區19隊關愛隊過百名義工，聯同漁護署義工隊、新界社團聯會及香港漁民團體聯會等組織，準備咗1,000個別出心裁嘅賀年福袋，一齊向區內長者及基層家庭送上關懷同新年祝福，同大家共慶新春！

福袋入面除咗賀年應節特產外，仲有由漁護署贊助，出產自東龍洲魚類養殖區現代化海產養殖場嘅速凍本地優質黃立鯧，推廣本地漁業發展之外更加寄願香港昌隆昌盛，市民年年有餘。