@ 
新春佳節，我深DUCK先祝大家身體健康，家和萬事興。
雖然前日（30/1）係新年假期，但當我哋知道區內一棟舊式唐樓發生火警，深水埗民政處即刻聯同幾位區議員同關愛隊一齊跟進。
大廈解封後，深水埗民政專員黃昕然同關愛隊到場探訪受影響嘅居民，派福袋祝同居民傾吓偈。幸好大部份樓層無乜受影響，居民只需進行簡單家居清理就可以入住返。
至於受影響嘅樓層，深水埗民政處盡力安排咗臨時居所畀受影響居民。關愛隊就陪佢哋辦理手續同提供簡單生活物資，協助處理燃眉之急，亦喺大廈入口留低聯絡方法，方便有需要嘅居民搵佢哋。民政處會聯同社署一齊跟進後續工作，包括仍然留院居民嘅需要。
民政處、區議員同埋關愛隊會繼續秉持「民政幫到你」嘅宗旨，急市民所急，關愛不停步。
@ 
@