福繞蛇年 北區民政處乙巳年新春酒會

金蛇起舞迎新歲，北區民政處喺大年初十舉辦乙巳年新春酒會，由民政總署副署長王婉蓉、中聯辦新界工作部副部長王卉、北區民政專員賴子堅、北區「三會」代表及各鄉事委員會代表擔任主禮嘉賓，同北區各界領袖及政府部門代表聚首一堂，齊賀新禧。

藉着新春佳節，副署長主持祝酒儀式，為北區送上祝福，主禮嘉賓仲一齊主持開金豬儀式，祝大家蛇年鴻運當頭，萬事如意。現場氣氛喜慶熱鬧，唔少得精彩嘅醒獅表演，酒會亦喺嘉賓滿滿嘅祝福聲同歡笑聲中圓滿結束！