@ 
九龍城民政處2月10日喺啟德社區會堂舉辦嘅「龍城迎運」乙巳年新春團拜活動圓滿舉行。民政總署署長杜潔麗、中聯辦九龍工作部副部長郭長勇、九龍城民政專員蔣志豪、多位立法會議員、區議員、政府部門代表、地區賢達、社區領袖齊聚一堂，共同迎蛇年，賀新春。
署長喺演辭時提到，九龍城區喺完善地區治理、提振地區經濟同埋社區關愛服務方面碩果纍纍，並感謝各方嘅努力，一同為迎接啟德體育園開幕同埋第十五屆全國運動會做好各項準備。展望未來，九龍城民政處會繼續同社會各界攜手，舉辦更多文化、體育同社區參與活動，推動地區發展。
團拜活動精彩紛呈，包括有雙人雜耍扯鈴、國粹變臉等絕妙表演，觀眾都睇到目不轉睛，大讚節目引人入勝。場內場外熊貓處處，大家都忙於同熊貓布置打卡。 現場更有舞獅迎春接福，祝願國家物阜民豐，香港百業興旺，九龍城區居民安居樂業。
感謝各位熱情參與同支持，令呢個新春團拜活動充滿歡樂同祝福。最後，祝大家蛇年大吉，身體健康！
@