屯門區小學生「做個大學生」體驗活動

屯門區嘅小學生真係犀利，小小年紀就已經志存高遠，向大學之道前進！超過120名嚟自屯門區15間小學嘅同學仔，15/2參加咗由屯門民政處及屯門區青年發展及公民教育委員會舉辦，並由嶺南大學同埋過往「成功有約」學員組成嘅「成功有約」同學會協助籌備嘅屯門區小學生「做個大學生」體驗活動！

同學仔穿過嶺大富歷史價值嘅牌匾之後，搖身一變成為大學生，跟隨嶺大嘅學長同學姐，參觀嶺大校園。學長同學姐仲分享咗佢哋喺大學嘅校園趣事。同學仔都聽得津津有味，更積極舉手發問，希望可以快啲成為大學生。