@ 
1. 油尖旺民政處同油尖旺社區體育委員會2月23日再度舉辦油尖旺區青少年三人籃球賽，有近100隊參賽隊伍，相當熱鬧，亦係民青局青年節活動。
比賽喺科學館道康達徑花園籃球場舉行，好近理大，民政處亦請理大校隊同港隊打表演賽。
今次比賽除咗有DJ，仲有唔同攤位，包括AI運動、Henna彩繪、即影即有、籃球機，仲有介紹完善選舉制度，當然乘機介紹埋11月嘅全運會。
主禮嘉賓油尖旺民政專員余健強、立法會議員鄭泳舜、中國香港籃球總會副會長黃土葉、理工大學行政及拓展副校長盧麗華教授、同埋油尖旺區社區體育委員會主席湯振傑等幫手頒獎。
2. 尋日喺旺角大球場就有油尖旺民政處贊助嘅「香港女童軍周年大會操2024-25」。
除咗步操，為咗推廣油尖旺多元、共融、和諧嘅社區精神，活動亦都安排咗區內學校帶來富有民族特色嘅表演，包括官立嘉道理爵士中學（西九龍）嘅少數族裔民族舞 Kaura Dance，同埋油蔴地街坊會學校嘅彝族舞。
民青局青年專員陳瑞緯及余專員都係主禮嘉賓。
@