@ 
深水埗有唔少舊樓，所以消防安全 一直都係社區關心嘅問題。
按消防法例要求，大廈必須定期由註冊消防裝置承辦商對樓宇內嘅消防裝置最少進行1次保養、檢查及填寫證明。
但區内唔少「三無大廈」因為未成立法團而難以滿足法例要求。
於是民政處嘅地區主導行動計劃 展開咗全新「樓宇消防裝置及設備周年檢查支援服務」，目標係協助檢查相關大廈公用地方嘅消防安全設備及裝置。
日前（3/3），樓宇消防年檢支援計劃啟動禮已順利舉行！深水埗民政專員黃昕然連同承辦團體到其中一棟大廈，見證專業人士安裝滅火筒，貼上標記，象徵計劃已全面展開，努力提升社區防火安全。
計劃會為大廈業主進行初步環境勘察及評估、並且針對消防裝置及設備進行檢查，同埋提供相應嘅改善建議。同時亦會招募居民聯絡大使，促進居民之間嘅良好溝通，並向大廈住戶業主提供消防安全既專業意見。
