@ 
有得睇、有得食、仲有得玩嘅「南區洪聖市集」又嚟啦！
一年一度由旅發局支持嘅「鴨脷洲洪聖傳統文化節」喺3月2日開始咗喇！與此同時，「南區洪聖市集」亦喺尋日3月8日隆重開幕！
民政總署署長杜潔麗、中聯辦港島工作部副部長楊成偉、南區民政專員兼區議會主席鄭港涌、候任南區民政專員張佩珊同一眾嘉賓為市集主持開幕儀式，而特別嘉賓海洋公園熊貓包包同民政總署社企吉祥物友建樹都有嚟撐場！
除咗市集，整個文化節嘅節目內容相當豐富，有賀誕神功戲、龍舟拜廟、水燈晚會、賀誕巡遊、醒獅採青等。今年仲加咗國際高椿舞獅邀請賽，有嚟自中國內地、馬來西亞 、新加坡、越南等頂尖醒獅隊嚟同港隊一較高下。
市集會喺3月8—12日、15—16日喺鴨脷洲公園足球場舉行，而整個文化節就會喺17日華麗閉幕，大家快啲嚟感受吓傳統同富有地區特色嘅精彩活動啦！
