@ 
「2024灣仔區傑出青年及禮貌青年選舉」已經圓滿結束，並於早前(28/2)舉行咗頒獎典禮 ！今年共有超過70位學生同青年被區內學校同機構提名參加，反應熱烈。
由灣仔民政處、灣仔區青年發展及公民教育委員會及灣仔區青年網絡合辦嘅「2024灣仔區傑出青年及禮貌青年選舉」，希望表揚喺個人成就有卓越表現，同埋對社區同青年發展曾經作出貢獻嘅青年。今年大會仲特別喺中學組增設咗禮貌青年獎，鼓勵青年喺學校同社區以禮待人，從小開始做起，宣揚友善同禮貌文化。
經過8/2嘅面試，大會精心挑選咗21位得獎者，當中分別有８位中學組傑出青年、５位中學組禮貌青年同埋8位公開組傑出青年。
頒獎典禮當日，灣仔民政處聯同灣仔區青年發展及公民教育委員會主席郭永亮同埋青年發展工作小組召集人張耀基擔任頒獎嘉賓，將獎座同獎狀逐一頒發畀各位得獎者。一眾委員、學校校長、機構代表同埋得獎者親朋好友當日亦到場支持，為佢哋歡呼！
期望各得獎者不負眾望，喺未來日子積極參與區內活動同服務，繼續為社區及青年發展出一分力！
