@ 
由西貢區防火委員會及西貢民政處合辦嘅「西貢小學參觀消防局及2024年消防安全填色創作比賽頒獎典禮」今日(8/3)喺西貢消防局順利舉行 ！
活動邀請咗西貢崇真天主教學校（小學部）及西貢中心李少欽紀念學校參加。消防員介紹局內嘅設施，包括油壓升降台、泵車、細搶救車 及瀡銅柱等，仲畀同學仔體驗消防員嘅工作，充當「救火小英雄」 ！最受歡迎嘅環節當然係同消防員哥哥一齊打排球 ，各位小朋友都玩得好盡興！
當日亦舉行咗「2024年消防安全填色創作比賽 」 頒獎典禮。西貢民政專員馬瓊芬，九龍東區分區指揮官朱敏超及西貢區防火委員會主席邱錫琪擔任頒獎嘉賓，嘉許區內學生展現嘅防火 安全意識同創意。各組別得獎作品除咗擺設喺場內畀大家打卡留念外 ，亦將會喺西貢區社區會堂展出 。各防火委員會委員、區議員、參與學生及家長都喺西貢消防局過咗個愉快嘅下午 。
西貢民政處同西貢區防火委員會會繼續舉辦各類社區參與活動，提高居民防火 同救護意識，加強應變能力，遇到意外時就可以處變不驚
