活力金齡 貢獻社區

活力同積極生活沒有年齡限制！一班大埔區55歲以上嘅金齡人士（其中包括一位真正「80後」嘅哥哥）行有餘力，積極投入社區！13/3更如八仙過海盡顯神通，齊齊成功登上仙姑峰！

活動涵蓋日常保健、飲食、基本伸展運動、山野及行山知識等理論課，以及野外健行實習課；由今年1月開始，大家每星期不論寒冬定風雨，仍堅持以大埔區內山徑作練習，沿途互相照應，一齊走過陡峭嘅斜坡，成功挑戰九龍坑山天梯同登上四方山路段等等，征服難關。