@ 
《2024年建築物管理（修訂）條例》即將喺7月13日正式實施 。葵青民政處喺14/3舉辦咗簡介會，向本區區議員、三會委員、區內業主立案法團、業主委員會及物業管理公司等講解 主要嘅修訂內容 。
簡介會除咗畀大家了解條例嘅主要修訂內容之外，更邀請咗廉政公署同埋市區重建局嘅代表 ，講解「廉潔樓宇維修」以及「樓宇復修綜合支援計劃」，向大家提供大廈維修嘅防貪錦囊 同埋介紹維修嘅資助計劃 。
當日參與人數眾多，大家除咗非常留心簡介會上所講解嘅內容外，亦踴躍提問 ，可見大家都好關心同重視大廈嘅管理工作 。
葵青民政專員鄧顯權亦有出席及致辭 ，表示葵青民政處會繼續為法團及業主提供支援服務，就大廈管理事宜 提供意見，亦會與區議員及三會委員同心合力 ，協助業主同埋業主立案法團做好大廈管理嘅工作，大家安享舒適嘅居住環境 。
