@ 
早前喺深水埗長沙灣海濱長廊展出嘅12款非遺同心熊貓深受街坊歡迎，深DUCK見到好多街坊朋友同埋遊客都嚟打卡留念。非遺同心熊貓身上嘅彩繪服飾係由川港設計師共同打造，展現咗兩地非物質文化遺產及香港傳統工藝特色。
12款非遺同心熊貓展出後，早前已由警區、少年警訊同學校拎番屋企。上星期五（21/3），致贈儀式喺深水埗街坊會完滿舉行，標誌文化融合及傳承嘅精神。在場校長仲同深DUCK分享學生們見到非遺同心熊貓進駐校園嘅喜悅心情，大家都紛紛同熊貓打卡合照。同學仔仲打算同佢哋嘅新成員嚟個命名大賽添。
活動由九龍西區各界協會、香港四川社團總會，聯同深水埗民政處、香港青年聯會及香港成都社團總會舉辦。出席主禮嘉賓包括中聯辦九龍工作部副部長郭長勇、深水埗民政專員黃昕然、油尖旺民政助理專員嚴卓晞、九龍西區各界協會會長閻小穎、香港四川社團總會監事長李聖根、香港青年聯會常務副主席蔡曜陽、深水埗居民聯會理事長陳偉明、深水埔街坊福利會理事長梁鉅海及一眾機構同學校代表。
@ 