@ 
為期兩年，東區獨有嘅三層架構師友小組「東區星月同行計劃」眨吓眼又嚟到尾聲啦 ！
東區民政處、東區青年發展及公民教育委員會聯同合作伙伴香港青年協會賽馬會筲箕灣青年空間 喺3月23日於北角社區會堂就舉行咗「東區星月同行計劃 - The Journey」結業禮。
喺結業禮上友師同學員結伴重溫「The Journey」由生疏陌生漸變為良朋好友嘅精彩活動片段，大家感動又開心！
東區民政專員陳尚文致辭時勉勵星月計劃師友，表示結業禮係代表新階段嘅起點，希望學員能持續學習，喺未來路上勇敢面對挑戰，又寄語友師繼續攜手支持啟發青年人成長，正如學員為senior同junior mentor送上親手製作、表示謝意嘅驚喜香薰蠟燭禮物，寓意mentors 係佢哋成長路上嘅引路明燈 ，喺迷惘時提供指引，照亮前路！
計劃嘅每一瞬間都充滿笑聲同感動，見證咗友師與學員互相扶持 ，相伴同行，如「星」、「月」一樣於夜空中相互輝映，喺各項生涯規劃同埋職業體驗活動中齊探索，齊成長，齊實踐！結業禮為呢段旅程劃上圓滿嘅句號。
