@ 
九龍城民政處及九龍城區議會積極響應國家新政策，向非中國籍香港永久性居民簽發《港澳居民來往內地通行證（非中國籍）》。
尋日（13/7）聯同地區團體協助合資格人士申請來往內地通行證 。活動為區內外少數族裔朋友提供協助，包括填寫申請表 、遞交網上申請 及免費拍攝證件相 。
九龍城區嘅少數族裔朋友知道有呢個活動都踴躍參與，仲邀請區外朋友一齊嚟 ，場面熱鬧。活動幫助約300位朋友遞交申請 ，佢哋表示新政策剛剛推出，好高興民政處同區議會咁快安排適切幫助。工作人員亦好清楚解釋申請程序 ，協助網上完成手續，好方便就攞到內地通行證 。以後往返內地咁方便，佢哋話一定會多啲帶屋企人同朋友去內地旅遊觀光 。
有九龍城區議員表示，少數族裔朋友們都非常歡迎國家呢個新政策，個個都希望盡快申請 。有賴民政處及各區議員幫助，活動先可以喺短時間內成功舉辦 。大家有需要都可以隨時向議員辦事處求助。
非中國籍香港永久性居民喺香港扎根多年，一路默默耕耘，為香港發展作出莫大貢獻，依家可以享受北上通關嘅便利，更方便地去內地旅遊 、學習 同經商 ，增強佢哋對國家嘅歸屬感 。
@