@ 
荃灣民政專員區家盛、荃灣警區指揮官羅家康總警司、荃灣區撲滅罪行委員會主席羅少傑、各政府部門代表及多位嘉賓尋日（13/7)齊齊出席由荃灣區撲滅罪行委員會及荃灣警區合辦、荃灣民政處協辦嘅「荃灣區滅罪活動開展禮2024」，為一連串滅罪宣傳活動揭開序幕，打響頭炮 。
區專員帶領一批少年 及耆樂警訊成員，宣誓成為滅罪大使，佢哋將協助舉辦荃灣區嘅滅罪活動，同時喺區內推廣滅罪訊息，致力令荃灣成為最安全嘅社區 。荃灣民政處亦會繼續與警方、地區人士及各持分者攜手合作，群策群力防止 罪案發生。
荃灣民政處特別感謝荃灣區嘅香港道教聯合會圓玄學院石圍角小學武術隊喺活動上為大家表演五步拳 。同學仔最近喺「2024 全港公開新秀武術錦標賽」中奪冠！唔好睇小佢哋人仔細細，其實拳拳 有力，紮實嘅動作展示出佢哋堅毅、勇敢及自信嘅精神，正正代表「打擊罪行，絕不手軟」 ！
@