@ 
良好嘅大廈管理 有賴業主互相合作 ，共同建立舒適嘅居住環境 ，令屋苑及大廈保持良好狀態 。荃灣民政處喺3月舉辦咗兩場樓宇管理講座，推廣有關資訊。
｢樓宇復修綜合支援計劃」及《建築物管理條例》最新資訊簡介會
日前（21/3），荃灣民政處聯同荃灣發展促進會 為荃灣區內舊式樓宇法團 及三無大廈業主 ，舉行咗大廈管理簡介會。除咗介紹條例嘅新規定 ，亦向居民講解市區重建局各項資助計劃嘅最新詳情及申請方法。法團委員同業主都踴躍出席及提問，一齊改善住戶嘅居住環境 ，為舊樓保養維修出力 。
2025荃灣區私人樓宇管理研討會
日前 (28/3)，荃灣民政處舉辦研討會，主要向參與人士簡介條例，同時亦邀請咗香港漏水檢測師學會嘅代表 講解家居滲水問題 以及解決方法 ，講者更向參加者展示及講解多款檢測漏水及量度濕度嘅工具， ，非常實用。
一眾荃灣區區議員亦踴躍參與研討會 ，與其他參與人士互動 。透過今次研討會，讓參加者喺地區層面更好協助推廣良好大廈管理 ，提升 地區治理效能 。
