@ 
喺上個星期四（ 3月27日），嗇色園主辦可信小學嘅一班小學五年級嘅同學仔嚟到荃灣警署 參觀，進行咗一個深度探索之旅， 安排咗一個既有特色又有趣嘅體驗活動俾呢班同學仔去認識警隊 。
精彩嘅內容包括:
「參觀報案室」- 了解報案程序及分流措施
「角色扮演 」- 教識大家乜嘢叫太空油同向毒品 說「不」 ，一次都唔能夠「試」 嘅道理
「指模工作坊 」- 同學仔可以D.I.Y.指模書籤
「裝備全接觸」- 可以親身接觸警察日常裝備，穿著防彈衣及防彈頭盔 感受重量
「認人房介紹」- 了解認人房設備 及程序
「警車體驗」- 試坐不同種類嘅警車 打卡留念
透過今次嘅參觀之旅，希望每位同學對警察日常工作有更加深入嘅了解，緊記向毒品說不 。同埋要有一個正向嘅人生規劃 ，成為一個守法嘅未來領袖，並協助警方撲滅 罪行。
