@ 
南區區議會日前(29/3-2/4)去咗重慶同成都交流考察，了解當地地區服務、交通建設、舊區活化、經濟發展等嘅成功經驗！
南區民政專員兼區議會主席張佩珊帶領一眾區議員拜訪重慶市委統一戰線工作部，同埋四川省人民政府港澳事務辦公室，交流地區治理經驗，促進兩地合作。
今次考察內容相當豐富 ：有參訪重慶市九龍坡區民主村，了解舊區活化、基層治理同埋服務老友記嘅經驗；體驗重慶高架軌道交通於山地城區興建「空中列車」嘅規劃智慧；參觀賽力斯汽車超級工廠，見識國家新能源汽車嘅前沿科技；到訪重慶著名夜經濟熱點洪崖洞，學習當地特色文化旅遊同繁榮夜經濟；仲有去咗都江堰熊貓基地，探討熊貓經濟嘅巨大潛力，上年國家送畀香港特區政府既大熊貓「安安」同「可可」就係喺嗰度嚟㗎！
今年係中國人民抗日戰爭暨世界反法西斯戰爭勝利80周年，考察團當然都到訪咗紅岩革命歷史博物館、八路軍重慶辦事處舊址、周公館，以及抗戰勝利紀功碑暨人民解放紀念碑，了解祖國當年抗日嘅奮鬥歷程，追尋革命先烈嘅堅毅精神！
今次咁豐富嘅行程的確係相當寶貴嘅學習機會。相信南區區議員會將所見所學，帶到社區，繼續服務好市民，做好溝通橋樑！
