@ 
新一屆灣仔區青年社區建設委員會4月9日召開咗第一次會議。灣仔民政處歡迎新一屆委員，佢哋整體平均年齡為35歲以下，當中4成係透過第八期青年委員自薦計劃獲甄選成為委員嘅16至35歲青年。委員喺會議上了解咗灣仔區社區會堂及社區中心嘅視聽系統改善工程，委員都好踴躍畀意見，希望使用者可以有更完善設備。
一眾委員去咗德仁街兒童遊樂場，喺現場用問卷收集居民意見，特別係小朋友對於改造公園嘅睇法，而且用咗特別嘅互動環節，請小朋友將心心貼喺佢哋鍾意嘅遊樂設施上面，投票選出增設咩新設施。灣仔區議會轄下社區參與及文化康樂委員會早前曾經跟進遊樂場嘅改造工程，主席林偉文議員到場為委員講解，仲分享進行街頭諮詢嘅技巧。
大家又去咗灣仔海濱實地視察灣仔區特色打卡地標－閃爍燈影耀灣仔。呢個打卡地標係上一屆委員構思同拍板落實嘅項目，喺灣仔海濱豎立50支復古街燈，仿照於1890年至1970年代採用嘅八款設計，由早期典雅風格演化到工業時期的簡約風格都有，通過「打卡」邀請遊人共同探索城市記憶，提供具教育意義又富有美感的公共藝術體驗。
