@ 
今年15/4係第 個全民國家安全教育日，亦適逢全國兩會喺3月順利閉幕，荃灣民政處就聯同荃灣區議會、荃灣青年會、荃灣區關愛隊喺12/4舉辦咗「荃灣區2025兩會精神分享會暨全民國家安全教育日嘉年華」 。中聯辦新界工作部副處長張曉東、荃灣民政專員區家盛、荃灣警區指揮官羅家康、消防處分區指揮官(新界南)陳富山、廉政公署首席廉政教育主任馮志偉到場支持並擔任主禮嘉賓 ！
喺活動分享環節，港區全國政協委員暨立法會議員黃錦輝教授同埋港區全國人大代表林至頴透過闡釋全國兩會嘅重要精神及方向 ，令參加者更了解國家發展與國家安全息息相關，亦讓社會各界喺複雜多變嘅世界 局勢中，更把握好國家政策與發展方向 ，迎向新契機 。
今次活動特別注重青少年及兒童參與，除咗有同主題相關嘅遊戲攤位及教育展覽兼有獎問答遊戲 ，亦安排咗精彩嘅青少年及兒童匯演 ，展現青年嘅才華 同活力 ，畀佢哋了解國家安全及人大政協會議嘅重要性。剛上任嘅新一屆荃灣青年社區建設委員會同青年發展及公民教育委員會各委員亦有出席參與活動。
國家安全 係社會繁榮穩定 、市民安居樂業 嘅根本，荃灣民政處將繼續與各政府部門、青年團體及社會各界攜手 推動國家安全教育，致力提升市民對國家安全嘅意識 ！
@