「東區青藤」​10周年成果暨社會服務分享會

東區民政處十分支持青年發展,希望培育青年人成為愛國愛港、具備世界視野、有責任感同承擔意識嘅新一代。喺2014年開展嘅「東區青藤」計劃眨吓眼已經10周年喇!

為咗慶祝計劃10周年,東區民政處聯同畢業生組織「藤絡」4月12日舉辦咗「東區青藤」周年成果暨社會服務分享會。大會仲特別邀請咗民政及青年事務局局長麥美娟擔任主禮嘉賓,同東區青年事務顧問、中學校長師生、各合作單位代表及青藤畢業生們歡聚一堂,共同見證計劃推出十年所建立嘅成果。
局長致辭時勉勵喺十年間栽培嘅優秀青藤青年要發揮潛能,力爭上游,繼續秉承「助人自助、磨練自己、回饋社會」嘅「青藤」精神,服務社會,為國家同香港發展貢獻力量!

青藤畢業生仲預備咗精彩嘅歌舞表演同活潑生動嘅成果分享,令大家都輕鬆愉快咁度過咗個快樂又感動嘅周末!大家一齊同藤仔藤女們同心感受,經歷返過去10年透過參與計劃,由小幼苗茁壯成長嘅得著同體驗,更推己及人服務社區,成果令人鼓舞!

東區民政專員陳尚文同3位青藤顧問元老鄭承峰博士、廖錦興博士同李德權喺總結時,回顧計劃十年嚟不斷發展,更衷心感謝與計劃同行嘅各熱心合作學校、組織同社區人士,希望藤仔藤女們未來繼續保持緊密聯繫,計劃能繼往開來,碩果累累!

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *