@ 
增強居民嘅國民身份認同係深水埗民政處嘅工作方向之一。尋日(15/4)係第10個全民國家安全教育日，所以區內近期都有唔少相關活動，等深DUCK我同大家介紹下其中2個活動啦：
1. 《同「深」衛國安》國家安全教育日2025
尋日(15/4)，深DUCK化身機師，約埋7間區內中小學，超過100名師生，去到香港國際機場同香港國際航空學院，探索航空業對香港經濟發展同國家安全嘅重要性。
航空業唔只同「飛機」同「旅行」有關，仲同多個新型領域安全環環相扣 。同學仔認識到點樣用嚴格同先進技術保障旅客同飛機安全 ，亦體驗咗模擬飛行駕駛，學習X光安檢貨物嘅技巧，同埋睇咗機場保安犬緝毒訓練，非常專業！壓軸環節仲可以進入機埸禁區，近距離睇飛機升降。
活動由深水埗區撲滅罪行委員會、深水埗民政處同香港國際航空學院合辦，並獲機場保安有限公司全力支持。主禮嘉賓包括深水埗民政專員黃昕然、滅罪會主席盧永文、工作小組主席余皓媛同陳偉明、香港國際航空學院培訓中心總監馬惟健同機場保安有限公司行政總裁張德強。
2. 全民國家安全教育日嘉年華
活動由石硤尾、又一村、下白田、龍坪及上白田同南山、大坑東及大坑西5隊小區關愛隊合辦，上星期日(13/4) 喺白田社區會堂順利舉行。現場氣氛好熱鬧，最搶鏡莫過於又一村學校嘅幼稚園小朋友擔任升旗隊，佢哋用可愛嘅奶音發號施令同步操，真係好得意！
活動仲有太極拳、粵劇、傳統歌舞及小朋友嘅鼓扇表演等，以輕鬆嘅方式提高居民嘅國家安全意識，培養愛國情懷。
嘉賓包括立法會議員鄭泳舜、梁文廣、深水埗民政助理專員馮伊婧、深聯理事長陳偉明、區議員陳國偉、黃頌良、鍾婧薇、林偉文、陳麗紅、又一村關愛隊隊長李漢雄同石硤尾幼兒學校校長鄧玉霞等。
