@ 
喺1962年落成嘅漁光村即將展開重建！頭三座夾埋有400多戶嘅居民好快就要搬去喺田灣新落成嘅漁映樓，佢哋啱啱攞咗入伙紙喇！
為咗向街坊提供全面嘅搬遷支援服務，南區民政處、關愛隊同房協嘅社工服務隊連月保持緊密聯繫，多方面全力協助居民，包括新社區資源導賞、執屋技巧、入伙資訊等。
南區民政專員兼關愛隊總指揮Sandy4月25日聯同石漁關愛隊隊長朱立威，同埋南區區議員張偉楠，探訪漁光村嘅雙老家庭，親身了解佢哋就屋村重建安排嘅需要同關注，並送上慰問 。
家訪期間，居民都表示對未來新居充滿期盼，認為新居環境將大大改善生活質素。同行嘅關愛隊義工老友記本身亦喺漁光村住咗30幾年，非常落力協助居民。
居民會於未來幾個月陸陸續續開始搬遷，民政處會盡力確保搬遷順利！
@ 
@