@ 
4月29日好榮幸邀請到註冊中醫師鄧女士，為各位老友記深入講解痛症嘅成因同中醫治療方法。鄧醫師指出，許多慢性疼痛問題都同「氣血不通、經絡阻塞」有關，正所謂「體溫決定健康，經絡通順百病消」，保持身體溫暖、促進氣血循環先至係緩解不適嘅關鍵！
鄧醫師仲教咗老友記一啲簡單穴位按摩同溫和運動，等大家平時可以自己保健。佢特別提話：「開心嘅心情先係最好嘅良藥」保持心境開朗、減輕壓力，對健康真係好重要㗎！
大家記住，注重健康嘅同時，都要提高警覺，唔好畀騙徒有機可乘！健康同財富，都係晚年幸福嘅根基！祝各位老友記身心安康，精明防騙，活出精彩樂齡生活～
