@ 
黃大仙區「地區青年社區建設委員會」同「地區青年發展及公民教育委員會」新一屆委員全數上任 ，並已召開首次會議 。黃大仙民政專員Thomas先歡迎各委員加入呢個大家庭 ，委員亦就未來工作方向交流意見 。青年發展及公民教育委員會主席Victor仲帶領各青年委員參觀香港青年獎勵計劃賽馬會愛丁堡公爵訓練營 ，希望透過實地參觀 ，畀各青年委員深入了解政府喺推動及促進青年發展政策方面嘅成果 。
兩個委員會嘅特色之一，就係匯聚不同年齡、背景及專業青年朋友（包括中學生），可就青年發展、公民教育同社區建設構思新點子 ，共同推動地區建設。委員會唔止為有志參與公共事務嘅青年提供議政嘅平台 ，實踐服務社會嘅抱負，同時亦畀佢哋認識更多志趣相投嘅朋友 ，互相學習同交流 。
期待黃大仙區新一屆「地區青年社區建設委員會」同「地區青年發展及公民教育委員會」積極就建設本區提出更多創新建議 ，為地區注入更多活力 ！
@ 