@ 
觀塘區新一屆「地區青年發展及公民教育委員會」同「地區青年社區建設委員會」正式上任 ，並已分別喺29/4同12/5完成第一次會議 。
新一屆嘅青年委員會分別由莊裕坤同洪潔瑩主席帶領，並由唔同專業領域 同背景嘅委員組成。委員中有學生、在職青年、地區工作者、政策研究者同專業人士等，平均年齡都喺35歲以下。
透過委員們喺會上積極討論 ，互相交流 ，令政府能夠多角度深入了解青年對自身發展同埋社區建設嘅睇法 ，為社區發展提供創新嘅點子 。
為加強 區內兩個青年委員會、觀塘區議會青年委員會同觀塘區青年網絡間嘅聯繫，觀塘民政處亦新成立咗觀塘區青年事務顧問委員會，協調各委員會嘅工作，務求令區內嘅青年工作更到位 。新一屆嘅青年事務顧問亦同步喺1/4上任，仲喺9/5進行咗第一次會面交流。
期待觀塘區新一屆青年委員會繼續發揮所長 ，凝聚青年力量 ，為社區注入活力 ！
@ 