@ 
每年5月前後，大埔區內木棉花開始落棉，唔少街坊多次向區議員及部門反映對空氣質素同環境衞生影響嘅關注。大埔區議會同大埔民政處聯同食環署及康文署積極處理棉絮情況，今年大埔區就棉絮情況嘅求助同投訴個案均有所減少！
大埔區地區管理委員會今年3月會議同大埔區議會食物環境衞生委員會5月會議都就棉絮議題及跨部門處理安排作出討論及跟進。針對市民關注：
- 康文署加強巡查區內樹木，移除健康欠佳嘅枝節；
- 康文署亦安排加緊清潔轄下場地嘅棉絮；
- 康文署亦諮詢香港醫學會嘅專業意見，確認未有證據顯示木棉棉絮會影響健康；
- 食環署加強街道衞生工作，加密清理棉絮大量飄落嘅地點。
