@ 
荃灣民政專員區家盛7月20日出席由香港社企民間高峰會與華懋集團合辦嘅社區論壇，擔任主禮嘉賓。社區論壇以「重塑可持續荃灣」 為題，喺共融社區、公共空間及社區客廳三方面與在場中學生及導師等交流 。同學仔出席論壇後會參加由該兩個機構合辦嘅2024「新點子•大創變」案例比賽，動腦筋將更多新思維注入荃灣區，帶領社區邁向創新同持續發展。
專員藉呢個機會分享荃灣民政處嘅社區工作，包括成立荃灣區關愛隊 對建立關懷共融社區嘅正面作用；介紹以打卡地標展覽 嘅藝術角度展現公共空間嘅計劃，主題係畀市民體驗荃灣新市鎮嘅演變，感受日夜都繽紛嘅一面；與區內營辦社區客廳及設施嘅機構緊密合作 ，加強與各界聯繫，為劏房户及居於不適切居所住户建立社區平台，延展生活空間 。同學仔加深咗對荃灣區嘅了解，有助佢哋「度橋」為荃灣區提出務實又有創意建議 ，為社區帶來改變 。
今屆案例比賽思維工作坊將陸續展開，期望成功入圍隊伍配對伙伴機構後，可以實踐所想，利用創意 協助改善社區環境 ，共建安居樂業嘅荃灣區。
