@ 
北區幅員廣闊，唔少鄉郊地方又比較隔涉，遇有突發事件都好考部門嘅協作同應變能力 ，尤其係極端天氣事件 添。所以北區民政處21/5就聯同香港消防處 、香港警察 、政府飛行服務隊 、民安隊 、醫療輔助隊 、渠務署 同海事處 ，喺沙頭角舉行代號「北宿 」嘅演習，針對北區嘅特性，訓練各部門嘅協調同應變力。
當日嘅演習集齊海陸空 力量。水警 同消防處 喺海事處嘅協調下，利用海面同海下搜索設備 搜索模擬墮海 嘅市民，而飛行服務隊嘅直升機 除咗協助搜索之外 ，亦模擬將傷者吊上直升機 ，極速 送去醫院 。而喺陸地方面，我哋就模擬區內發生水浸，消防同民安隊就派出人員同裝備做搜救 同疏散行動 ，渠務署緊急應變小隊亦有出動 加快清除積水；北區民政處除咗統籌撒離行動之外，亦都開放咗臨時庇護中心 同動員關愛隊 照顧疏散嘅市民，醫療輔助隊 亦有派出隊員照料受傷嘅人士 。民政總署署長杜潔麗同副署長王婉蓉更加親自嚟到督師 ，確保各部門合作無間 ！
@ 