@ 
北區新一屆嘅地區青年委員會，即係青年社區建設委員會同埋青年發展及公民教育委員會喺4月頭出世，已經開咗第1次會喇 ！
兩個青年委員會嘅委員都嚟自社區嘅唔同界別 ，令委員會可以全面咁討論同交流地區議題 。而委員會嘅平均年齡只係32歲，絕對當得起「青年」嘅招牌 ！更加有唔少委員係透過青年委員自薦計劃報名 ，經遴選後加入委員會，當中不乏仲讀緊大學同中學嘅學生，而最年輕嘅委員只有16歲 ，勁青春 ，勁熱血 ！
兩個委員會開第一次會時，北區民政專員賴子堅都有特別參加，仲鼓勵委員好好利用自己嘅專長貢獻社區，有咩意見唔好擺喺心度 攞出嚟傾 ，集思廣益，而每位委員喺會上都踴躍發言 ，希望可以盡自己所能貢獻同服務北區 ！
兩個委員會今後會努力為北區注入年輕動力 ，令北區嘅設施同青年活動更加貼近社區需要 ，共建美好北區！
