@ 
改善市民尤其係長者嘅健康、提升幸福感，對成就一個和諧宜居嘅社區非常重要。大埔區議會及關愛隊率先與香港教育大學合作，以科硏為基礎、透過科學化形式推展有關工作，首年已為接近1000名長者進行認知篩查，成功識別當中約兩成具認知障礙風險人士，並提供一系列介入服務及跟進安排；項目7/6推出第二階段服務，進一步加入心理健康、幸福感 工作坊及營養監測元素！
「教大可持續發展生活實驗室—社區健康」去年率先喺大埔區展開，透過為大埔區長者進行認知篩查 ，及早識別認知功能下降嘅長者，並為佢哋提供訓練、支援及連繫社區嘅活動等介入服務，包括健體強腦 工作坊及輕排球 運動班，更安排社區導師 培訓項目，以改善長者個人生活及推動社區健康。
項目第二階段嘅開幕禮7/6舉行，大埔民政專員陳巧敏及教大校長李子建教授擔任主禮嘉賓。除咗回顧項目第一年嘅成果，活動亦介紹項目來年發展，包括將關注長者社區健康嘅層面擴展至佢哋嘅心理健康及營養需求，引入心理健康篩查、舉辦幸福感 工作坊以及開發創新電子營養監測系統手機應用程式等。
大埔民政處、大埔區議會及關愛隊繼續積極籌組，與各方攜手合作，提升市民嘅幸福感及對社區嘅歸屬感，期待有更多大埔街坊受惠，實現社區健康及可持續發展 ！
