@ 
東區民政處聯同地區熱心人士自2021年開始，致力推動無人機新興運動發展，去年仲正式成立咗中國香港東區無人機協會。
東區民政處日前（21/7）就聯同中國香港東區無人機協會，以及東區學校聯絡委員會合辦東區學界無人機群飛日2024，並獲中國香港無人機運動總會支持。活動有來自6間東區中小學嘅學生組成10隊參賽隊伍，一齊競逐中學組及小學組各個獎項。同學仔要喺指定時間內，透過編程令無人機執行任務進行各種群飛表演，真係好犀利！
東區民政專員陳尚文亦有出席活動，見證同學仔努力練習後帶來嘅精彩表演，並且喺致辭時寄語參賽同學透過比賽交流切磋、提升水平，亦希望今次比賽能夠激發更多學生對無人機技術嘅興趣同熱愛，對佢哋將來嘅發展拭目以待！
精彩活動陸續有嚟，今個星期六（27/7）將會舉行「東區無人機競速賽2024」，希望今次無人機群飛賽同埋嚟緊嘅競速比賽，可以畀更多朋友仔接觸到無人機呢項新興技術！
