光彩香江・心連祖國研學行（海南站）@離島區青年發展網絡

離島區青年發展網絡29位學員 早前（19-22/6）參加咗為期4日3夜嘅海南研學行已經圓滿結束！

今次研學行係由中國光大集團有限公司（光大香港）主辧，並得到離島民政處同離島區青年發展及公民教育委員會嘅支持。一眾學員喺呢幾日行程去咗崖州灣科技城 、三亞光大環保垃圾焚燒發電廠 、海南熱帶雨林國家公園 ，學習到海南自貿港嘅科技同創新規劃 、環保技術同生態保育知識。學員亦觀賞咗經典舞台劇目《紅色娘子軍》 ，同考察鄉村振興示範村水滿鄉毛納村，學習茶藝，仲有機會喺國際級高爾夫球場揮桿 ！

最後嘅分享會上，學員都話今次旅程令佢哋更了解國家發展同歷史，見識到祖國科技一日千里，民族自豪感同國民身份認同都提升咗，真係收穫滿滿！

離島民政處會繼續舉辦唔同交流團，令離島區嘅青年拓闊眼界，增廣見聞。