@ 
為慶祝香港回歸28周年，九龍城民政處於區內精心布置多項節慶裝飾，營造熱鬧喜慶嘅氛圍，與市民分享呢份歡樂與自豪！大家途經九龍城區，記得到以下重點地點打卡留影，一齊感受回歸嘅喜悅！
漆咸道北行人天橋
天橋內外嘅繽紛燈飾交相輝映 ，讓整條天橋化身成彩燈長廊 ，絢麗奪目!
九龍城政府合署
外牆上飄揚住國旗與區旗，形成壯觀嘅「旗海」，隨風飄揚，營造濃厚嘅回歸喜慶氛圍 !
啟德社區會堂
掛於外牆嘅大型橫額，吸引無數路人駐足觀看 !
土瓜灣道
街燈上懸掛著五彩繽紛嘅彩旗，隨風搖曳，為街道增添咗節慶氣息
節慶裝飾之外，九龍城民政處聯同地區團體舉辦咗一系列精彩活動，誠邀各位一齊參與，共同慶祝呢個重要嘅大日子 ！重點活動如下 ：
慶祝香港特別行政區成立28周年才藝表演
7月1日
紅磡社區會堂
下午2時至5時
由九龍城區各界慶典委員會聯同九龍城民政處合辦嘅綜合匯演，精心呈現多場精彩文藝表演，展現香港多元文化魅力及與祖國深厚嘅連結。舞蹈 、歌唱 、戲劇 等節目輪番登場，令觀眾大飽眼福。
慶祝香港回歸祖國28周年 - 殘疾運動九龍城體驗日
7月6日
啟德社區會堂
下午2時至5時
活動由青途發展社區發展協會及九龍城民政處合辦，以推廣殘疾人士運動為主題，讓市民透過殘疾人士運動項目示範及運動員嘅親身分享，了解運動嘅精彩與意義。活動不僅推動傷健共融，更與市民攜手迎接全國第12屆殘疾人運動會暨第9屆特殊奧林匹克運動會。
歡迎大家嚟九龍城區打卡影相，參與慶祝活動，共賀回歸祖國28周年嘅大日子！
@ 
@