@ 
6月29日早，民政處喺荃灣沙咀道遊樂場舉行咗一個大型慶祝活動，11間荃灣區嘅中小學及制服團體齊聚一堂，舉行咗一個意義非凡嘅升旗儀式暨中式檢閱！
由保安局局長鄧炳強擔任檢閱官，喺荃灣民政專員區家盛同埋荃灣各界慶祝香港回歸祖國28周年活動籌委會主席嚴玉麟嘅陪同下，檢閱11隊英姿颯颯 嘅步操隊伍，全場氣氛莊重且熱烈 。
參與步操嘅團體無懼炎炎夏日，佢哋穿上整齊嘅制服，步伐一致，喺在場嘅立法會議員、荃灣區議員、荃灣「三會」委員、荃灣鄉事會、馬灣鄉事會、區內學校校長、地區人士等嘉賓面前展現出香港青年一代嘅團結 與力量 。睇到佢哋咁有紀律同活力 ，真係為香港嘅未來感到自豪！
@