@ 
北區慶回歸 活動浪接浪 ，繼以北區「上粉沙打」景點做主題嘅微縮藝術展開幕 ，28/6就有「北區慶 香港特別行政區成立28周年綜合匯演 」，北區街坊長幼共聚同 慶回歸！
匯演喺聯和墟社區會堂舉行，由 龍山同 鳳水兩個分區委員會同北區民政處合辦。活動邀請咗演藝紅星獻唱經典金曲 ，全場坐無虛席！北區嘅青年力量亦都唔可以睇少，來自區內學校同地區團體嘅同學仔才藝表現滿分，表演步操奏樂 又整齊。現場仲有動作可愛靈巧嘅大頭佛醒獅舞 ，同埋青年band 載歌載舞，全場掌聲無停過 ！禮堂外更設有攤位遊戲 同埋手工攤位 ，仲有扭氣球手花 ，啱晒一家大細 ！
雖然天氣熱辣辣 ，但仍無阻大家慶祝回歸嘅興奮心情 ，兩個分區委員會都全力以赴，喺上晝出動去上水同粉嶺嘅hot spots 快閃 派雪糕 ，為街坊消暑，與眾同樂慶回歸 ！
